Zunjigmiddig is vanaaf 15.11u bie Cafe de sjoester ózze jaorlikse leejemiddig. Alle leeje van De Bessemebènjers kènne dao oet hènj van ós prinse of prinsesse de pin mèt het thema van dit jaor opgesjpèldj kriege. En wat zeen ze auch dit jaor weer sjiek gewoore zèk! Es geer nog gein lid zeet mèr dènk “dae pin dae wil ich auch waal!”, geweun nao de Sjoester komme want dao kènt g’r lid waere en vervolgens geliek aansjloete in de rie.
Auch wurt deze middig door de Senaat weer de Bertus oetgereik, en sjteit ós ein sjpetterend optraeje van De Geliënde te wachte. Geer kènt deze heere ongetwiefeld van de hits Code ‘road-gael-greun’, De meiste sjpas, Wo zit ’t bie dich?, De träöt laeg, Hand in hand, Läogske sjmink, ’t Lètste laok en Dae’n hauve haan. Limburgse vastelaovesleedjes die door de ganse provinsie waere mitgezonge. En allemaol hoaggenoteerd bie het LVK, mèr leefs 8 keer eindigde dit zangduo bie de lètste drie en in 2017 wiste ze de felbegeerde trofee zelfs te wènne!
V’r houpe uch allemaol te zeen zunjig!!
❤️💛💚 Vastelaovend in Bor, vastelaovend same ❤️💛💚
