Neet allein ós prinsepaar zeuk opvolging……..

Het liek nog wied weg, mèr kump sjneller korterbie es gemeind. Naodat in november ós jubeleumfeës haet plaatsgevonje sjteit veur het nuuje jaor natuurlik weer geweun het reguliere vastelaovessezoen mit de bekènde aktiviteite oppe kalender. Zoa vuntj op zaoterdig 18 jannewarie 2025 dan auch weer ein ediesie van het Bors Leedjes Konkoer plaats. Dit belaof weer ein muzikaal sjpektakel te waere mèt ós befaamde live orkes mèr veural deilnummers oet eige dörp. De eerste aanmeldinge höbbe v’r al maoge ontvange. Animo om de wènnaar van aafgeloupe sezoen, Zèkketusgaw, op te volge liek d’r dus zeker te zeen! En zèk noe zelf, wat is sjoaner es op te maoge traeje in het jubeleumjaor van De Bessemebènjers, veur ós jubeleumprinse en -prinsesse!

Wils dich auch mitdoon: solo, es duo of mit diene vrunjegroep, gaef dich dan noe op door ‘n meeltje te sjtuure nao info@bessemebenjers.nl en v’r numme kontak op. V’r kènne hulp beeje bie het sjrieve van eine teks en auch bie het make van de melodie en ein muzikaal arrangement, daomèt kènt geweun jederein dae wilt mitdoon!

En mèt de gedachte ‘𝘮𝘪𝘵𝘥𝘰𝘰𝘯 𝘪𝘴 𝘣𝘦𝘭𝘢𝘯𝘨𝘳𝘪𝘦𝘬𝘦𝘳 𝘦𝘴 𝘸è𝘯𝘯𝘦’ wille v’r same mit de deilnummers en natuurlik het publiek d’r weer eine geweldig sjoane muzikale aovend van gaon make! V’r houpe dan auch op ein groat aantal deilnummers!!

❤️💛💚 Vastelaovend in Bor, same ❤️💛💚