Zaoterdigaovend sjtaon ze veur uch op ‘n rie in het Gemeenschapshuis Born, alle drie ós prinsepaare én natuurlik ouch ózze jubelaris Cor Posthouwer (1 x 11 jaor lid). En wat zouwe ze het sjiek vènje és geer ouch allemaol veur hun ein rie wilt maake, en waal om ze te filleseteere en ‘nne sjoane vastelaovend te wunsje. Jederein is van harte welkom!! Veer beginne om 19.11u en gaeve dan allereers ein uurke de gelaegenheid aan de zöstervereniginge van De Bessemebènjers om ein weurdje te sjpraeke, vanaaf 20.11u is jederein welkom om langs de taofel te loupe en de handj te sjödde.
Es g’r names ein vereiniging of organiezaasie ein weurdje tot ózze hoagheede wilt richte kènt g’r uch bie bènnekoms melde bie ózze seremoniemeister.
Natuurlik houpe veer ouch noe weer op ein sjoane opkomst, en dan wurt het ongetwiefeld eine minstens zoa sjoane aovend veur ós prinse en prinsesse. Aansjloetend aan de resepsie zal het tradiesjoneel Prinsebal van sjtart gaon, en gaon v’r tot in de kleine uurkes door.
❤️💛💚 Vastelaovend in Bor, same ❤️💛💚
