Euver presies 9 daag klink aan de Claudius het sjtartsjot veur eine ongetwiefeld weer fantastiese Groate Optoch van De Bessemebènjers. In elke vrieje Borse garagebox wurt momenteel gezaeg, getummerd en geknutseld om sjtraks toch mèr zoa good meugelik veur d’n daag te komme.
Om al die krejaasies de aandach te gaeve die ze verdeene wilt ós optochkommitee gaer zoa sjnel meugelik aan de sjlaag mèt de indeiling. Es g’r mit wilt loupe, meldj uch dan aan bie Thei Jennen. Het mèkkelikste geit dat door ‘nne e-mail te sjtuure nao optoch@bessemebenjers.nl, mèr g’r kènt ‘m ouch via de tillefoon (046-4852850) of toes achter de veurdeur (Kempsjtraot 55) bereike.
Bie aanmeljing ontvange v’r gaer het thema en ‘n omsjrieving van het idee. Daobie ouch de naam, tillefoonnummer en e-mailadres van de kontaktpersoon, dae krig nao de insjrieving de detailinformaasie toegestuurd.
G’r höb nog ‘n gooi waek om uch get in te laote valle, get dat het puntje-aantal van de jury de heuëgte in laet gaon om d’r vervolgens mèt de wisseltrofee vandoor te gaon. Veer höbbe d’r zin in, geer ongetwiefeld ouch!!
❤️💛💚 Vastelaovend in Bor, same ❤️💛💚
