de sjpanning in bor nump toe..

Es `t mit Krismes Vastelaovend waar…dan hoofde v’r in jeder geval minder lang te wachte. Mèr neet getreurd bèste luuj van Bor, de ontknuiping nadert noe waal zien ènj. Euver minder es drie waeke weite v’r wae in het nuuje jaor veurop zal gaon bie De Bessemebènjers. Wae wurt toch dae opvolger van Prins Rob 1, wae sjteit op 6 jannewarie naeve ózze Vorst Cliff oppe bühne van het Gemeenschapshuis Born en brûnk de zaal in ekstaaze. Wurt het eine prins, ein prinses of toch ein prinsepaar? Es geer auch mèr einig idee höb dan is noe ugge kans om ein heuse rol Sjokoprins te wènne, tenminste es dat idee auch het goeie bliek te zeen

Sjtuur ugge veursjpèlling via de mail nao veursjpelle@bessemebènjers.nl. Van alles wat bènne kump hauwte veer op ózze website ein euverzich bie. Dus mocht g’r het ég neet weite kènt g’r de kommende daag dao nog ummer inspieraasie opdoon.

V’r houpe uch allemaol te zeen op 6 jannewarie in het nuuje jaor bie de Borse Bessemzitting!

❤💛💚 vastelaovend in Bor, vastelaovend saame ❤💛💚