De Rabo Clubsupport-aksie haet ózze vereiniging auch dit jaor weer ein sjoan bedraag opgeleverd. Names De Bessemebènjers wille v’r uch van harte bedanke!! De sjèk is bie de opboew (woo v’r auch ós sjtèinke aan biedraage) van het Oktoberfeest Sittard, door Brechje Kitzen van de Rabobank euverhènjig aan ózze penningmeister.
De opbrèngs kump ten goede aan ózze waage(boew). En dae waage laote v’r natuurlik gaer aan uch zeen. Gans in sjtiel van het Oktoberfeest höbbe v’r dan auch geliek mitgedaon mèt de Oktober Parade, die es äöpening van het fiès door de bènnesjtad van Zitterd tròk. Ein geweldige hèppening, mèt väöl komplemènte veur ózze groep (en natuurlik de waage) van de doezende luuj langs de kantj.
Es g’r de parade nog ‘nne keer wilt zeen, dat kènt op internet:
https://www.youtube.com/live/A5KmVePl59k?si=EU-f4GTCodj-vZR1
(vanaaf 41:00 rieje v’r het beeld bènne)
