Vandaag waor het jeugprinsepaar te gast bie De Reube Obbeeg wo ze oet hènj van ózze burgemeister de (jeug)sjleutel van Bor euverhènjig kreege. Daomèt wurd hun mach euver het Riek van De Bessemebènjers sjteeds groater, en kènne ze vol euvertuuging veurop gaon de kommende vastelaovesdaag! Same mèt hun vriendjes en vriendinnetjes höbbe ze genaote van eine sjoane middig, ze höbbe d’r allein nog mèr meer zin in gekreege!
De iets ouwere prinsepaare hauwe ein gèt röstiger evenement op de agenda sjtaon, zie waore oetgeneuëdig veur de vastelaoveszitting bie Woonzorgcentrum Aldenhof. Dao sjtong onger angere de oetreuping van de prinses op het programma. Dees geweldige eer waor veur Annie Hermans-Feijen, 89 jaor, gebaore in Lömmerich en bienao häör ganse laeve in Beeg gewoond. Vastelaovend is ouch häör mèt de paplaepel ingegaeve, ze kump neet veur niks oet ein gezin woo al meerdere prinse en prinsesse oet zeen veurtgekomme……het haet geweun allein effe gedoert eerdat zie aan de beurt waor. De medaajes woorte oetgewisseld, zodat ouch in het noordelikste puntje van Bor de vastelaovend kènt beginne!
Jónk en oud haet genaote vandaag, veer tèlle aaf!!
❤️💛💚 Vastelaovend in Bor, same ❤️💛💚
