Aan de deilnummers van de optoche in Bor

Allereers: sjiek dat g’r d’r bie zeet!

Om alles netjes te laote verloupe vraoge v’r uch kènnis te numme van ós optochreglemènt en uch te hauwte aan de veurwaarde die geneump waere.

Reglemènt
Vastelaovesvereniging de Bessemebènjers aanvaard gein énkele aansjprakelikheid veur de door deilnummers geleeje sjaaj en/ of onvalle, noch veur de door deilnummers aan ángere toegebrachte sjaaj.

Alle deilnummers zeen zelf verantwoordelik en numme mèt hun daobie gebroekte middele geheël op eige risiko deil aan de optochte. Es verkeers-, veiligheids- of aansjprakelikheidsverzeekeringe neudig zeen veur deilname of middele dan zeen de deilnummers d’r zelf verantwoordelik veur deze aaf te sjloete.

Óm eine gooije doorsjtreum nao de opsjtelplèk, de noordkèntj van Aquarius, te verzekere is ’t verzeuk aan de deilnummers 2 t/m 11 aan te rieje vanoet de Vespasianus en de deilnummers vanaaf 12 en hoager vanoet de Castor. Op óngersjtaond plaetje is dat aangegaeve.


Veurwaarde van deilname
• Alle deilnummers die mitdoon waere beoordeild door de zjurie en mótte zich op vastelaoveszunjig tösje 11.00 oer en uterlik 12.00 oer melje biej ’t Optochkommitee in kafée De Sjoester, om dao ‘t deilnamenummer of lètter aaf te haole. Van te veure mót bie ’t Optochkommitee al ’t tema, idee, naam, i-meiladres en tillefoonnummer doorgegaeve waere. Alle deilnummers mótte óm uterlik 14.00 oer op de plaats van de opsjtèlling, Aquarius (noordkèntj), vaerdig sjtaon zoadat de optoch óm 14.11 oer kènt vertrèkke. ’t Deilnummersnummer sjteit langs de opsjtèlling gemarkeerd.

• De hermenie äöpent d’n optoch. Daonao volg de res van de deilnummers. De Prinsewage(s) sjtèlle zich oppe defielee-plaats aan de Claudius op. De prinse en de Raod van Elf zulle de deilnummers dao begroete, woo-nao de deilnummers hun kreasie kènne veursjtèlle. Deilnummers vraoge v’r om d’r raekening mèt te hauwte dat ’t prettiger is veur anger deilnummers en publiek dat groepe good op mekaar aansjloete en ’t veurkump dat de luuj aafhaoke.

• ’t Gebroek van zandj, zaegsel, mès, sjtickers, pepiere sjlierte oet versjnippermesjien of plastik/ alleminium konfettiesjnippers en ’t gebroek van een konfettiekenón is door de gemeinte Zitterd-Gelaen verbaoje. Drank maog neet genuttig waere oet glaas. Euvermatig alkoholgebroek is verbaoje. Sjofeurs zeen bevoegd hun voertuig te besjtuure, en zeen neet ónger invloed van alkohol of verdouvende middele.

• Aansjtoatgaevende krejasies euver religieuze en angesdènkende zeen verbaoje. Krenkende of ónsjmakelikke oetbeeldinge zeen auch verbaoje. Aope vuur of gebroek van vuurwerk is ten sjtrengste verbaoje.

• Van te veure neet aangemelde reklaam en/of ’t mitveure van deere kènt tot oetsjloeting leije.

• De maksimum sjnelheid in de optochte is 5 km per oer. Zörg veur eige- en angerdeilnummersveiligheid en brèng gein sjaaj toe aan publiek of omgaeving. Neet te väöl luuj oppe wagens, dènk aan beugels of ein reling es valbeveiliging, kènjer ónger de 14 jaor oppe wage waere begeleid door volwassene. Geine ánger luuj op de traktor ès de sjofeur.

• De optochnummers of lètters mótte good zichbaar zeen.

• Oppe plaats van de ònbènjing aangekòmme, sjtèlle alle deilnummers zich op aanwiezing van ’t Optochkommitee op veur de aafsjloeting.

• Volg de aanwiezinge van de ’t Optochkommitee of Raod van Elf good op. Zie zeen degene die alles in gooj baane leije.

• De zjurieoetsjlaag is bènjend. Dao kènt neet teage geprottesteerd waere.

• De Raod van Elf besjlis euver zaake woo-euver in dit vastelaoves-optochreglemènt neet is veurzeen