‘ N aaneinsjakeling van heuëgtepuntje oppe jaorlikse leejemiddag !!

Het waor weer es vanouds op de jaorlikse leejemiddig van De Bessemebènjers bie Cafe de sjoester. Natuurlik kreege al ós aanwezige leeje de pin oetgereik door ós prinsepaare, mèr d’r waor meer te belaeve……

Door de Senaat woort de Bertus oetgereik, auch dit jaor weer aan eemes dae zich biezunjer verdeenstelik maak veur de Borse gemeinsjap en de vastelaovend in het biezunjer. Neemes minder es Elke Verjans veel dit jaor de eer te beurt, en verras dat ze waor!! Regelmatig sjteit zie bie ós oppe bühne, mèr wat neet väöl luuj zaoge waor häor jaorelange biedrage op de achtergróndj aan ‘t mit organizere van al die vriewilligers die veer broadneuëdig höbbe es vastelaovesvereiniging.. Elke van harte prefisiat, dik verdeend!

Ouch woort het logo veur het 7×11 geprizzenteerd, natuurlik ontworpe door ózze eige Lars Dullens dae al jaore garant sjteit veur al ós grafische uitinge.

Tensjlotte waor d’r ein sjpetterend optraeje van De Geliënde. Mèt hun vastelaoveskrakers wiste ze de eine nao de angere polonaise op te sjtarte. Ouch kreege ze ózze prins aan de loch-gitaar en reepe ze veur de eerste keer in de Borse geschiedenis zelfs ‘nne hauwve haan oet.

Eine sjoane middig, es goeie opmaot nao de vastelaovend! Kommende waeke höbbe v’r nog ein drök programma, natuurlik zeen v’r uch dao gaer!!

❤️💛💚 Vastelaovend in Bor, vastelaovend same ❤️💛💚