Hae kump d’r weer aan!!

Aansjtaonde zaoterdig, 27 jannewarie, wurt het lange wachte weer beloand. Nao ‘n jaor gedöltj te motte höbbe gehad kènt g’r in alweer de 34e oetgaaf van De Bessem eindelijk de lètste Borse vastelaovesnuujtjes laeze. De redaksie haet ouch dees ediesie weer alle meujte gedaon om zelfs de groatste lokale geheime achterhaold te kriege. Zoa komp g’r neet allein alles te weite euver ós nuuj prinsepaare, ouch tref g’r in het midde weer ‘nne sjieke Borse vastelaovesposter aan en kènt g’r laeze welke Borse kunstenaar dit jaor daotoe zien penseelsjtreeke aan het papier haet toevertrouwd. En natuurlik höbbe al ózze sjponzore en adverteerders ein plaetske gekreege. Zie sjteune ós, dus brènge veer ze gaer bie uch ónger de aandach!

Ozze verkoupers trèkke vanaaf 10.00u door de sjtraote van Bor en duuje hoes aan hoes op de deurbel. Os prinsepaare sjtaon zoawie geweunlik vanaaf hauwf èllef bie Jumbo Hilkens Born en brènge dao ós ‘hanjelswaar’ aan de man. Veur de pries van sjlechs 2 euro hoof g’r het zeker neet te laote, en uiteraard kènt ouch digitaal betaald waere via de QR-code.

Mocht g’r ózze verkoupers noe toch misse, vanaaf maondig is De Bessem nog twee waeke te koup bie Jumbo Hilkens Born en Delicasa Born.

❤️💛💚 Vastelaovend in Bor, vastelaovend same ❤️💛💚