Kènt geer ze nog, ós prinsepaare van 2020? Inmiddels regeere ze al 724 daag euver het riek van De Bessemebènjers. Veer kènne waal sjtèlle dat d’r neet väöl prinsepaare zeen gewaes die dit auch gelök is, de aafgeloupe 75 jaor. Mèr aan alles kump ein ènj: kommende zaoterdig gaon de sjteeke aaf en geit de sèpter truuk de kis in.
Dat alles kènt geer live vanoet ugge hoeskamer mitmaake, de offiesjeele hènjelinge vènje naamelik plaats tiedes ózze live-oetzènding van de Gemaskerde Borse Zanger. En natuurlik is dae aovend nog väöl mièr te zeen (en te raoje)……
Es geer dao bie wilt zeen is het sjlechs ein kwestie van aanmèlje: https://forms.gle/mVoeL4yTphMddTKf9 (het formulier sjteit auch op ózze website). Geer krieg dan op het lèts van de waek de link toegesjtuurd om mit te kènne kieke. Al zo’n 125 hoeskamers ginge uch veur, het belaof eine fantastiese aovend vol sjpanning en sjpektaakel te waere!
Veer höbbe zin d’rin, höb geer dat auch?!?!
