Prins Danny II en zien Prinses Nicole zeen inmiddels hun eerste waek in funksie, ein good moment om uch kort mit te numme in òs thema van dit sezoen.
Op het logo zeet g’r eine enthoezjasteling op heuëgte aan het werk. Auch òzze prins bevundj zich bienao dageliks in hogere sfeere, hae wirk namelik al meer ès 20 jaor bie de firma Mammoet op ‘nne mobiele taorekraan, het is dan auch neet veur niks dat òs prinsepaar ònger het volgende motto mèt de luuj van Bor de vastelaovend in wilt gaon:
“ℝ𝕚𝕖𝕥 𝕒𝕝𝕝𝕖𝕤 𝕠𝕖𝕥 𝕕𝕖 𝕜𝕒𝕤, 𝕫è𝕟𝕘 𝕒𝕝𝕝𝕖 𝕝𝕖𝕖𝕕𝕛𝕖𝕤 𝕞𝕚𝕥, 𝕕𝕒𝕟 𝕨𝕖𝕚𝕥𝕖 𝕧𝕖𝕖𝕣 𝕘𝕖𝕙𝕖𝕚𝕕 𝕕𝕒𝕥 𝕕𝕖 𝕍𝕒𝕤𝕥𝕖𝕝𝕒𝕠𝕧𝕖𝕟𝕕 𝕚𝕟 𝔹𝕠𝕣, 𝕕𝕖 𝕙𝕖𝕦ë𝕘𝕥𝕖 𝕚𝕟 𝕘𝕖𝕚𝕥.”
Veer neuëdige uch van harte oet om dae vastelaovend saame mèt òs te viere, door beveurbeeld mit te doon aan de Revuu (dae auch dit jaor weer georganiseerd wurd door De Borse Revuu Groep, dao-euver bènnekort meer) of uch alvas in te sjrieve veur deilname aan de optoch. Dat lètste kènt via ein meeltje nao optoch@bessemebenjers.nlònger vermelding van uch idee, dan nump het optochkomitee kontak mèt uch op.
❤️💛💚 vastelaovend in Bor, vastelaovend saame ❤️💛💚
