Alle prinselikke palieze zeen verseerd!!

Vandaag höbbe De Bessemebènjers de rûnj door Bor gemaak, en zeen alle hoeze van òs prinse en prinsesse weer verseerd. Natuurlik mèt de befaamde leeg-bak mèt de naame en d’rnaeve ‘nne bessem, her en der aangevöld mèt ‘maotwerk’. En maotwerk waor het auch dit jaor zeker weer, alles pasde precies tösje de raegebuus en de gevel van de buure.

V’r begooste bie Jeugprinses Jara, om van dao-oet gáns nao de Graathei te trèkke op zeuk nao de weuning van Sean. Aansjloetend truuk nao Bor veur het hoes van Jakob en Marion, en toen woor het nog mèr effe d’n hook om tot bie Danny en Nicole. De lèmpkes brènne euveral, en de eerste konfetti wèijt al door de sjtraote. De vastelaovend kump ummer korterbie……

❤️💛💚 vastelaovend in Bor, vastelaovend saame ❤️💛💚