Noe de lètste wèndjvlaage van de sjtorm Ciarán ós landj aan het verlaote zeen kènne veer ós opmaake veur de volgende sjtorm. Dat is waal eine dae ’n heel sjtök aangenamer is, deze brûnk namelik het road-gael-greun truuk in Bor!

De Rabo Clubsupport-aksie haet ózze vereiniging auch dit jaor weer ein sjoan bedraag opgeleverd. Names De Bessemebènjers wille v’r uch van harte bedanke!! De sjèk is bie de opboew (woo v’r auch ós sjtèinke aan biedraage) van het Oktoberfeest Sittard, door Brechje Kitzen van de Rabobank euverhènjig aan ózze penningmeister.

Inmiddels höbbe alle deurbelle van Bor eine vingeraafdrök van De Bessemebènjers en haet ein groat aantal eksemplaare van de Bessem de waeg gevonje nao lokale hoeskamers, WC’s of geweun de keuketaofel.

Mèt deze wage kump CV Op ’t Rendje nog waal boete……natuurlik is ‘r inmiddels ongetwiefeld al ein heel sjtök sjieker gewoore, en kènne v’r dat allemaol gaon zeen in de Borse vastelaovendoptochte.

Gaot euverdaag neet te wiet van hoes aaf, geliek nao de middig trèkke De Bessemebènjers namelik het dörp in om hoes-aan-hoes de alweer 33e oetgaaf van De Bessem aan de man te brènge.

De Borse Revuu Groep nump uch zaoterdig 4 fibberwarie mit truuk in het Borse verleeje.

Neemes minder es Twan Esther en Niek Mestrum höbbe dit jaor oet hènj van De Senaat dan auch “De Bertus” oetgereik gekreege, veur hunne jaorelange (biezunjer gewaardeerde) inzèt veur De Bessemebènjers!

Aafgeloupe wiekent zeen nao good gebroek de prinselikke palieze in het riek van De Bessemebènjers weer verseerd gewoore.

’t Nuuj Jeugprinsepaar van de Bessemebènjers in ’t jaor 2023 is gewore: Rik Widdershoven en Myrthe Colaris.  Zie zulle regere es Jeugprins Rik I en Jeugprinses Myrthe.

’t Bors LeedjesKonkoer 2023 is gewónne door Denise & Ritchie mit hunne schjlager: Kloonstreffe op de Hei.