Zaoterdigaovend sjtaon ze veur uch op ‘n rie in het Gemeenschapshuis Born, alle drie ós prinsepaare én natuurlik ouch ózze jubelaris Cor Posthouwer (1 x 11 jaor lid). En wat zouwe ze het sjiek vènje és geer ouch allemaol veur hun ein rie wilt maake, en waal om ze te filleseteere en ‘nne sjoane vastelaovend te wunsje. Jederein is van harte welkom!! Veer beginne om 19.11u en gaeve dan allereers ein uurke de gelaegenheid

Het sjpraekwoord ‘de jeug haet de toekoms’ is bie jederein waal bekènd, aafgeloupe waek höbbe De Bessemebènjers dao flink werk van gemaak! Zoa höbbe ós prinsepare beide Borse basissjoale bezoch veur ein echte vastelaoves-les. Ózze groatvors waor z’n auwt beroep nog zeker neet verleerd, en noom de leerlinge vol enthoezjasme mit in de gesjiedenis van de vastelaovend. Van wie het allemaol begoos is tot wie v’r het anno 2024 viere. Ouch woort de kènjer

Aansjtaonde zaoterdig, 27 jannewarie, wurt het lange wachte weer beloand. Nao ‘n jaor gedöltj te motte höbbe gehad kènt g’r in alweer de 34e oetgaaf van De Bessem eindelijk de lètste Borse vastelaovesnuujtjes laeze. De redaksie haet ouch dees ediesie weer alle meujte gedaon om zelfs de groatste lokale geheime achterhaold te kriege. Zoa komp g’r neet allein alles te weite euver ós nuuj prinsepaare, ouch tref g’r in het midde weer ‘nne sjieke

Dat auch de Gemeente Sittard-Geleen de Limburgse vastelaoveskultuur hoag in het vaandel haet sjtaon bliek jeder jaor weer es De Bessemebènjers sjus wie alle anger vastelaovesvereiniginge oet ós gemeinte waere oetgeneuëdig veur het gemeintelik vastelaovestreffe. Bie roelaasie georganizeerd, dit jaor zeen v’r veurtreffelik ontvange door Vv de Haverbüle in Munstergelaen. Naeve eine gezellige aovend mèt feijne meziek woort door ózze burgemeister ouch weer het jaorlikse vastelaoveshart oetgereik, spesjaal bedoeld veur dae- of diegene die

Het waor weer es vanouds op de jaorlikse leejemiddig van De Bessemebènjers bie Cafe de sjoester. Natuurlik kreege al ós aanwezige leeje de pin oetgereik door ós prinsepaare, mèr d’r waor meer te belaeve…… Door de Senaat woort de Bertus oetgereik, auch dit jaor weer aan eemes dae zich biezunjer verdeenstelik maak veur de Borse gemeinsjap en de vastelaovend in het biezunjer. Neemes minder es Elke Verjans veel dit jaor de eer te beurt,

Zeet geer de sjnea en kauw van de aafgeloupe tied ouch heëlemaol meug? De Borse Revuu Groep kènt dan ouch good begriepe dat g’r mesjien d’r effe tösje oet wilt. Daoróm zeen zie ’n Reisburo begoos en zörge zie d’rveur dat geer kènt gaon genete van een verdeende vakansie. Of ’t noe op ‘n kemping in eige lendj is, of urges in ’n groate sjtad in Europa, of toch die waereldreis wobie g’r vraem

Zunjigmiddig is vanaaf 15.11u bie Cafe de sjoester ózze jaorlikse leejemiddig. Alle leeje van De Bessemebènjers kènne dao oet hènj van ós prinse of prinsesse de pin mèt het thema van dit jaor opgesjpèldj kriege. En wat zeen ze auch dit jaor weer sjiek gewoore zèk! Es geer nog gein lid zeet mèr dènk “dae pin dae wil ich auch waal!”, geweun nao de Sjoester komme want dao kènt g’r lid waere en vervolgens

Of het op de waeg noe code road, gael of greun wurt, veur de adjudante van ós prinsepaar is mèt deze krachtpatser ónger de vôt gein oetdaging te groat. Auch dit jaor wurt dankzij ózze trouwe sjponzor Harold Verheijen van Autovakmeester Verheijen Born het prinsepaar weer op standj verveurd in deze sjieke 4×4. De eerste sjnea dae al in de prinsesjtraot is gevalle haet gein enkel probleem opgeleverd, dus veer verwachte dat auch die

Vandaag höbbe De Bessemebènjers de rûnj door Bor gemaak, en zeen alle hoeze van òs prinse en prinsesse weer verseerd. Natuurlik mèt de befaamde leeg-bak mèt de naame en d’rnaeve ‘nne bessem, her en der aangevöld mèt ‘maotwerk’. En maotwerk waor het auch dit jaor zeker weer, alles pasde precies tösje de raegebuus en de gevel van de buure. V’r begooste bie Jeugprinses Jara, om van dao-oet gáns nao de Graathei te trèkke op

Prins Danny II en zien Prinses Nicole zeen inmiddels hun eerste waek in funksie, ein good moment om uch kort mit te numme in òs thema van dit sezoen. Op het logo zeet g’r eine enthoezjasteling op heuëgte aan het werk. Auch òzze prins bevundj zich bienao dageliks in hogere sfeere, hae wirk namelik al meer ès 20 jaor bie de firma Mammoet op ‘nne mobiele taorekraan, het is dan auch neet veur niks

Ut jeugprinsepaar van De Bessemebènjers in ’t jaor 2024 is gewore: Sean Koch en Lara Bucks. Zie zulle regere es Jeugprins Sean 1 en jeugprinses Lara

Het Bors Leedjes Konkoer is gewonne door Zekketusgauw met hun nummer ‘ t Allerallerallerbeste! En g’ rzeet het good , het is ozze kerverse prinses Nicole die dit leedje zunk same mit Ronald !

Tot Prins van De Bessemebènjers van ’t sezoen 2024 is oetgerope: Danny Salden. Hae geit regere es Prins Danny II Hae wurd biegesjtange door zien vrouw Nicole Salden-Daniëlse. Zie geit regere es Prinses Nicole

’t Nuuj Senioreprinsepaar van de Bessemebènjers in ’t jaor 2024 is gewore: Jakob  en Marion Mulders.  Zie zulle regere es Senioreprins Jakob I en Senioreprinses Marion.

Es `t mit Krismes Vastelaovend waar…dan hoofde v’r in jeder geval minder lang te wachte. Mèr neet getreurd bèste luuj van Bor, de ontknuiping nadert noe waal zien ènj. Euver minder es drie waeke weite v’r wae in het nuuje jaor veurop zal gaon bie De Bessemebènjers. Wae wurt toch dae opvolger van Prins Rob 1, wae sjteit op 6 jannewarie naeve ózze Vorst Cliff oppe bühne van het Gemeenschapshuis Born en brûnk de