Jaymian woort gebaore op 21 januari 2013 in ’t ziekenhoes in Zitterd-Gelaen ónger ’t sjterrebeeld Waterman. Jaymian is de zoon van Stan en Kylie van Sloun. Auch haet hea ein zösterke, Jess, van 3 maondj awt. Ziene graotste vrundj is d’n hóndj Lilo en samewone zie oppe Pötsjtraot 9 in Bor. De pap is ‘nne echte Bessemebènjer en is al 9 jaor lid van De Raod van 11. De mam is gebaore en getaoge in ’t Haverbuuleriek in Munstergelaen.

Jaymian zit in groep 8 van basissjoal Swentibold biej juf Britt. Hiej heat d’r ’t erg nao ziene zin en geit auch altied mit väölplezeer nao sjoal, mer toch kent ‘r neet wachte tot hae eindelik mitde fits nao Zitterd kent gaon, nao de “graote sjoal”.

Jaymian is eine sosjale en aktieve jong. Thoes is ‘r altied mit van alles bezig, meistal óm mer neet oppe tied nao bed te hove. Heëlget oere verbrunk hae achter ziene game-kompjoeter. Dao-op sjpeelt hae van allerlei versjillende sjpelle. Boete sjpele deiterauch heël gaer, same mit zien vrunj en dao geit geine daag veurbieof hae is waal te vènje op ’t voetbalveldj óm ’n belke te trappe. Voetballe vuntjer dan auch superleuk en dao geufer zich dan auchgans veur. Hae sjpeelt kompetiesie mit de jónges ónger 12 bie VV Bor.

Mer dao geit niks baove feëskes viere. ’n Feëske mit femielie en vrunj wilter dan auch veur gein goud misse.
Vastelaovend viere vuntj Jaymian ’t ultieme feës. Gezellig mitederein viere en dan ’t leefs nog langer dan de pap en de mam.
Veur Jaymian is noe eine groate druim oetgekómme, noe haeJeugprins is gewore in ’t Bessemebènjersriek, same mit zienenónk Sven, dae de scepter zjwejt euver de groate Bessemebènjers.

Aan de zie van Jeugprins Jaymian sjteit Jeugprinses Lynn.
Op 24 juli 2013 woord Lynn gebaore es Lynn, Maria, Anna Stevens, verneump nao häör beide oma’s, in ’t ziekenhoes in Zitterd-Gelaen ónger ’t sjterrebeeld Leëw. Daezelfde daag maogde zie al mit heives nao de Prinsbisdomsjtraot 51 in Bor.

Lyn is de dochter van Mike en Saskia Stevens en de zöster van Fay. Mike is ’n Berggeit oet St. Odiliënberg en Saskia eine echte Foetelaer oet de Nuusjtadt.

Lynn zit auch in groep 8 van Basissjoal Swentibold bij juf Britt. Ze haeter erg väöl zin in óm d’r nog ein sjoan lèste jaor van te make op de basissjoal en dan oet te vlege nao de middelbare sjoal.

Op deensdig en vriedig traint zie bij Hendjbalvereiniging Bor met de D1 dames. Op zaoterdig sjpeelt ze mit ein hech team kompetiesie wedstried.
Op goonsdig is Lynn te vènje bie Jong Nederland en op dónderdigmiddig dans zie bie Fem Fit in Einekoeze.

Auch vuntj Lynn ’t heerlik óm leuke dènger same mit häörvriendinne te doon zoawie ’n filmke pakke in de cinema, zjwömme en vlogjes opnumme. Gezellig same zeen mit de femielie vuntj zie auch heerlik.

Veur Lynn is ’t al jaore eine druim óm in ’n sjoan prinsessekleidmit ’n kreuënke oppe kop op de prinsewage te maoge sjtaon en sjlók oet te goaje.

Ze is dan auch óntzettend blie dat ze zich dit jaor Jeugprinses van de Bessemebènjers maog neume.