pregram carnavals seizoen van 03.01 t/m 17.02.2026
Bessem verkoup-daag
De Bessem is klaor. Veer hobbe besjlaote om deze op zaoterdag 7 fibberwarie rondj te gaon brenge. Dus neet zo wie in vurrige berich aangegaeve in de aovendoere.
Os prinsepare sjtaon zo es geweunlijk bie de Jumbo en brenge dao De Bessem onger de aandach.
’t Is weer ein sjoan exemplaar gewore!
Vanaaf zaoterdig ligk de Bessem ouch bie de welbekende verkouppuntje: De Kiosk en ’t gemeinsjapshoes.
prinsereceptie
Op zaoterdig 7 fibberwarie sjteit de Prinseresepsie op ’t program in ’t gemeinsjapshoes. Ederein, zoawaal vereinginge es partekulere, zeen van harte welkom óm ózze prinsepare en jubelarisse te fillesetere. Vanaaf 19.11 oer is ’t de meugelikheid aan de geneuëdigde zöstervereiniginge óm langs de respesietaofels te loupe. Vanaaf 20.11 oer is ’t de beurt aan alle anger vereiniginge.
jeugd sjleuteleuverdrach
sjleuteleuverdrach
[ op uitnodiging ]
sjoale optoch
kenón van de sjloes
groate optoch
kloonstreffe graethei aktiviteit auwt prinse
groat kènjersjpektakel
Groat Kènjersjpektakel… ouch veur volwassene!!
Ómdat v’r in de aafgeloupe jaore merkte dat de Kènjeroptoch op vastelaovesdeenzig ummer minder deilnummers trok, höbbe v’r besjlaote ’t program op ’n angere, frisje meneer in te völle. In plaats van ‘ne optoch, keze v’r dit jaor veur ’n groat feës in ’t gemeinsjapshoes veur alle kènjer: ’t Groat Kènjersjpektakel. Eine gezellige daag vol meziek, plezeer en verrasjinge, wo alle kènjer mit hun awwers, mer zeker ouch alle anger vastelaovesgekke, same vastelaovend kènne viere!
Â
Ónger angere Kidz-DJ zal ederein deze middig mit de dansvloer mit op numme. De Kidz-DJ Discoshow is ’n knallend feës van ’t begin tot ’t ènj. Mit leuke hits, TikTok-denskes, sjpelkes en prieze make veer d’r same ein onvergaetelik feës van!
Kidz-Dj is neet allein leuk veur de kènjers, mer ouch zeker veur de volwassene vastelaovesvierder.Â
Â
In de pauzes en nao ’t optraeje van Kidz-DJ zal ózze hoes-DJ, DJ Giga Wiel, de dreëjtaofel euvernumme, zoadat v’r ós kènne veurbereide op ’t Bessemverbrenne,
Bessemverbrenne
bessemebenjersbeeld 20.00 uur
t Idee achter ’t vervreuge van ’t Bessemverbrenne is dat v’r haope dat v’r mit väöl luuj daobie aanwezig kènne zeen. Ouch luuj mit kènjer, woveur ’t normaal gesjpraoke messjien get laat is. Dit beteikent neet dat v’r neet door kènne feëste nao ’t verbrenne van de Bessem!! Intaegedeil! V’r höbbe dan sjus nog tied óm gezellig mit z’n alle te prooste op ’n sjoan vastelaovessezoen.