Afgeloupe zaoterdig, 8 november, begoos veur de Raod van Èlf mit de jaorvergadering. Hie höbbe v’r trökgekeke op aafgeloupe jubeleumjaor en ouch veuroetgekeke nao ’t kómmende jaor.
Ózze nuje veurzitter, René Tesselaar, kreeg veuraafgaond aan de vergadering de veurzittersvaere en -hamer oet henj van vors Cliff en auwt veurzitter Felix Lebens euverhenjig en kreeg hae de veurzittersmedaje ómgehange door prins Sven I. Ouch woorte Cor Posthouwer en Dick Kleinheerenbrink offesjeel welkom geheite door de Senaat. Zie krege van de veurzitter de Senaatssjteek euverhenjig.
Nao de vergadering koos begoos waere aan de offesjele äöpening bie ’t beeld van de Bessemebènjer, wo nog regerend prins Sven I ’t gedich euver de Bessemebènjer veurloos. Daonao woort in ’t gemeinsjapshoes door alledrie de prinsepare tradisioneel ’t fotolieske opgehange in de prinsegallerie. Ouch woort Wil Lebens, dae al 55 jaor lid is van de vereiniging, effe in ‘t zunke gezat. Nao ’t offesjele program is d’r nog fejn geproos op ‘n sjoan sezoen.
