Op 18 jannewarie sjteit ein muzikaal sjpektakel op het programma: ‘t Bors LeedjesKonker (BLK ) EN de Gemaskerde Borse Zenger! Omdat tijdens t 7×11 feës de prinsepare van 2024 al zeen aafgetraeje en de nuuje prinsepare al zeen oetgerope mooste ver de Groate Bessem Zitting iets anges vorm gaon gaeve. Mer Leefs 7 deilnummers gaon hun nuuje vastelaovesleedje ten gebeure brenge. Wae zal de schlager van 2025 gemaak höbbe. Verder zulle der nog 5 Bordenaere geheël gemaskerd ein show gaon weggaeve en kent ut publiek gaon raoje wae der achter ut masker zit.
