Mèt ein sjpetterende äöpenings-act zeen op de bühne in de tent aan de Greunsjtraot de drie jubileum prinsepaare van de Bessemebènjers bekend gemaak aan het groate publiek!
Ós jubileum prinsepaar veur ’t sezoen 2024 – 2025 is gewore: Sven van Sloun en Senna Caelen! Zie gaon regere es Prins Sven I en Prinses Senna!!
Ós jubileum senioreprinsepaar veur ’t sezoen 2024 2025 is gewore: Lei en Marianne Kirkels! Zie gaon regere es Senioreprins Lei I en Senioreprinses Marianne!!
Ós jubileum jeugprinsepaar veur ’t sezoen 2024 – 2025 is gewore: Jaymian van Sloun en Lynn Stevens. Zie gaon regere es Jeugprins Jaymian I en Jeugprinses Lynn!!
Mèt dees toppers veurop in de Borse kènt ós jubileum noe al neet meer kapot! V’r kieke oet nao ein geweldige waek in de tent, same mèt alle luuj van Bor!!
