Lei woord gebaore op 31 juli 1957 es Leonardus, Johanna, Hubertus, Franciscus ónger ’t sjterrebeeld Leëw in ’t plaetskePöt. Wie d’r ein jaor auwt waor verhoesde de femilie Kirkelsnao Beeg en woorte zie Zawpense.

Lei is altied sjportief gewaes. Hae voetbalde bie Armada, merdeeg auch aan judo en later koos hae zich veural oetlaeve opperenfits. In zien ganse jóng jaore waor Lei lid van d’ndrumbend van hermenie St. Cecilia in Beeg.

In zien dageliks laeve waor Lei 45 jaor wirkzaam bie DSM, later Stork.

In de jaore 70 en 80 ging Lei regelmaotig oet in de Bartokónger ’t gemeinsjapshoes. Dao tróf hae Marianne en op 12 juni 1982 trouwde zie. Teën jaor daonao woord d’r eine kleine Kirkels gebaore: Sander.

Woonde zie in ’t begin nog oppe Parkwaeg, begin jaore 90 deeg zich de meugelikheid veur óm ’t vakwerkhuuske in ’t Sjtaedje te koupe en te verboewe nao de moderne eise.

In 1989 volgde Lei nog ’n opleiding tot sjportmasseur en woord’r naeve zien wirk op DSM verzörger bie VV Bor en VV Buchte. Neet allein bie voetbalklups, auch bie de toenmalige wielerklup TVM reisde Lei regelmaotig mit es soigneur van de renners.

Vanaaf 2005, ’t jaor naodat Sander jeugprins waor bie De Bessemebènjers, woord Lei lid van de Raod van 11. ’n Paar jaor geleeje is hae dao gesjtop en isser resent lid gewore van de Senaat.

In zien gepensioneerde laeve haeter noe alle tied óm te gaonfitse mit zien vrunj van de Wielerklup De Vedettekes. Nog ummer prebeert Lei mit de sjnelste veurop te fitse, of es eëstebaovenop ‘nne berg aan te kómme. Zitter neet oppe fits, dan geiter waal wenjele mit d’n hóndj Boris of numper zich alle tied óm te kieke nao sjport oppen tilleviezie.

’t Allersjoanste vuntjer toch ’t geneete van hunne kleinzoon Fedde.

Marianne woord gebaore op 16 oktoaber 1960 es Johanna, Helena, Maria ónger ’t sjterrebeeld Waegsjaol in ’t Sjtaedje es dochter van de Sjmeed.

Naodat Marianne de sjoal aaf haw, ging zie wirke oppeRabobank. Daonao sjtapde zie euver nao de damesmoadezaakWilco Deluxe in Zitterd. Wie die zaak woord gesjlaote, ging Marianne wirke in de moadezaak Purdey in Haelder.

De groatste hobbie van Marianne is wenjele. Zie haet al 20 keër de Kennedymarsj geloupe. Wie ’t allemaol nog soepel waor, hendjbalde Marianne bie HV Born. Dao waor zie dan auch 28 jaor actief. Later haet zie auch nog ein belke gesjlageaan ’t nèt, es tennisser.

’t Maog duudelik zeen dat auch zie ’t meiste geneet van hunne kleinzoon Fedde. En es d’r dan niks te wenjele is, of ‘nnekleinzoon óm op te passe, dan geit Marianne in häörevriejentied auch heël gaer sjoppe.

Mit de vastelaovend is Marianne actief bie de vastelaovesgroep de KGB, de Knatsj Gekke Bende. En es zie eine wunsj haet, dan isset waal dat dae groep dit jaor mitlöp in d’n optoch.

Mit tweë luuj, die al jaore in de Borse vastelaovend mitloupe, flink tempo kènne make oppe fits of sjtevig doorloupe mitwenjele, zeen weer d’r van euvertuug dat dit senioreprinsepaarós thema van dit jaor eër aandeit: Vastelaovend in Bor , dat sjut op.