Gaot euverdaag neet te wiet van hoes aaf, geliek nao de middig trèkke De Bessemebènjers namelik het dörp in om hoes-aan-hoes de alweer 33e oetgaaf van De Bessem aan de man te brènge. Bewaar uch eine munt van 2 euro, want veur dat luttele bedraag wurt ‘r verkoch en kènt g’r ‘m daonao in alle rös laeze en zeet g’r gans op de huègte van wat zich allemaol in Bor aafsjpeelt. En geine paniek es de beurs laeg is, digitaal betaale via de QR-code kènt dit jaor auch! Ós prinse sjtaon tösje 13u en 16u bie de Jumbo Hilkens Born, dao kènt g’r De Bessem auch koupe. En auch is ‘r vanaag zaoterdig te verkriege bie Da – BeautyX Van Sloun.
Es d’r luuj zeen die ós ein wèrm hart toe draage en gaer twee uurkes mit wille loupe mèt het verkoupe van De Bessem, mèltj uch dan ónger dit berich of via info@bessemebenjers.nl aan. Dat vènje v’r feijn!
Saoves maog g’r euverigens weer get wiejer van hoes aaf, vanaaf 19.33u geit de zaal van het gemeinsjapshoes aope veur eine aovend herinneringe ophaole mèt De Borse Revuu Groep. Neet allein wie het ‘vreuger’ waor mèt de Revuu, mèr zeker auch wie het vreuger waor in Bor! Kaarte zeen nog de ganse waek te koup op de bekènde veurverkoup-adresse of aan de aovendkassa. V’r zeen uch gaer!
